FAHAIZANA MIHAINO!

janvier 29, 2016

« Ary izay rehetra tsy mihaino ny teniko, izay holazainy amin’ny anarako, dia Izaho no hitsara azy. » Deotornomia 18:19/span>

Jehovah Andriamanitra no miteny amin’ny firenena izay nofidiny ho Azy, ka mpaminany avy eo aminy no atsangan’Andriamanitra, ary atsangany hitondra ny hafatra avy Aminy, dia hoy Izy hoe ataoko ao am-bavany ny teniko, ary holazainy aminy izay rehetra andidiako azy. Misy tokoa ny Teny izay apetrak’Andriamanitra ao am-bavan’ny mpanompony, koa raha izany dia misy fisahiranan’Andriamanitra mihintsy. Ny tokony ataon’izay manan-tsofina dia ny mihaino izany. «Ary izay rehetra tsy mihaino ny teniko, izay holazainy amin’ny anarako, dia Jehovah no hitsara azy!» Manao ahoana ny fihainoantsika ny tenin’i Jehovah? Sao dia variana mihaino izao tontolo izao isika? Sao sondriana mankafy ny fahendrena eto amin’izao tontolo izao izay toa marina kanjo fitaka ihany? Fa raha tsy hihaino ny tenin’Andriamanitra isika dia i Jehovah no hitsara antsika! Handeha isika hihaino indray ny tenin’i Jehovah, ka sofina avy aminy mihitsy, sofina manaiky iasan’ny Fanahy Masina no sofina entintsika hihainoana ny tenin’Andriamanitra amin’izao taona vaovao izao!

Jesosy Kristy Tompo mampahery anao
Feon’ny Filazantsara
‘Manambara an’i Kristy amin’ny firenena…ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail: lhmmad@blueline.mg
Site Web: http://www.feonyfilazantsara.org
Face book: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”.

Publicités

Fihaonan’ny Mpiara-miasa antsitrapo

janvier 29, 2016

Ny Sabotsy 23 Janoary 2016 no nanatanteraka ny fiarahabàna nahatratrarana ny taona vaovao 2016 ny Feon’ny Filazantsara (FF) sy ireo mpiara-miasa an-tsitrapo “Volontaire” avy amin’ny faritra Antananarivo sy ny manodidina. Zava-dehibe ny fihaonana toy izao satria dia fotoana natao indrindra hitondràna am-bavaka ny taona vaovao sy ny asa Fitoriana ifandrombonan’ny roa tonta, ary fisaorana sy fankasitrahana ireo “volontaires” noho ny fikelezanaina sy fanoloran-tena nasehon’izy ireo teo amin’ny fiaraha-miasa. Ho fanohizana sy fanatsaràna ny fiaraha-miasa moa dia nohararaotina koa io fotoana io nampatsiahivana ireo fitaovana maro samihafa vokarin’ny FF ary atolony ho fampahombiazana ny Fitoriana tanterahin’ny tsirairay isan-toerana. Nahatratra 60 mahery ireo “Volontaires” tonga nanatrika izany izay avy amin’ny Fiangonana, Sekoly, Oniversite, Fonja ary Fikambanana. Ireo mpianatra ao anatin’ny “Club FF” eny amin’ny Lycée Nanisana moa toy ny fanaony dia nitondra hira sy seho an-tsehatra ho fiderana an’Andriamanitra. Ny Hafatra nentin’ny Talén’ny Feon’ny Filazantsara ho an’ny tsirairay teo am-pamaranana ny fotoana kosa dia notsoahana tao amin’ny 2 Korintiana 5 sy 6: “Iraka solon’I Kristy isika, mpiara-miasa aminy ary mpanompon’Andriamanitra”.

DSC_0108 DSC_0129
DSC_0112 DSC_0110
DSC_0141 DSCF3381
DSC_0155 DSC_0167
DSC_0178 DSC_0132
LENGENDE AU CENTRE