MAHARETA AMIN’NY FIVAVAHANA.

septembre 21, 2016

« Mahareta amin’ny fivavahana. » Rom 12:12b

Epistily nosoratan’i Paoly ho an’ny Romana, epistily manambara ny toe-piainana tokony arahin’ny Kristiana. Raha ny vavaka dia resaka ataon’ny olona amin’Andriamanitra, mitaky finoana ny firesahana amin’Andriamanitra izay tsy hita maso. Noforonin’Andriamanitra tahaka ny endriny isika olombelona, ary ny firesahana Aminy no isan’izany endrika izany. Ny firaisana amin’i Jehovah Andriamanitra no mampiavaka antsika amin’ny zava-boahary hafa. Mihaino ny resaka ataon’ny olona aminy ve Jehovah? Eny mihaino Izy raha tsy misy ny heloka ataon’ny olona mampisaraka azy amin’Andriamanitra. Koa Raha misy ny heloka mampisaraka dia tokony hiaiky heloka ny olona ka hifona amin’Andriamanitra. Soa fa nisy ny sorona nataon’i Jesosy Kristy teo amin’ny hazo fijaliana nitondrany ny heloky ny olona mibebaka marina. Io no mitondra aina vaovao indray ho an’ny kristiana. Hoy ny Tompo: raha miray Amiko ianareo ka mitoetra ao anatinareo ny teniko, dia angataho izay tianareo na inona na inona, fa ho tonga aminareo izany. Tokony hifanaraka amin’ny Tenin’Andriamanitra ny vavaka ataontsika mba hahatonga antsika ho sampana mamoa, satria miray amin’Ilay foto-boaloboka isika. Ny faharetana amin’ny vavaka no mampamoa ny olona voa araka ny sitrapon’Andriamanitra. Jesosy hampahery antsika.

Feon’ny Filazantsara
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmad@blueline.mg
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.

Publicités

Fiaraha-miombon’antoka Fiangonana/Feon’ny Filazantsara :

septembre 21, 2016

Seminera Fampiofanana “Fampitaovana ny olona masina”

Tontosa soa aman-tsara ny 15, 16 Septambra 2016 teo ny Seminera Fampiofanana “Fampitaovana ny olona masina” voalohany ho an’ny taom-piasana 2016/2017, teny amin’ny FLM Ankazobe Finoana, Fileovana Ambatovinaky, SPAnta. Mpiofana 17 avy amin’ny Fiangonana 6 (ao anatin’ny Fitandremana Ankazobe) no nandray anjara tamin’ny fampiofanana. Pastora, Andrianatoandro Léon Fidèle, Mpitondra Fitandremana Ankazobe sy Pastora Andriamihajasoa Fidson, mpitondra ny Fiangonana Kiangara moa no nitondra ny Tenin’Andriamanitra tamin’ny fotoam-pivavahana fanombohana sy famaranana, no sady nandray anjara feno tamin’ny fifampizaràna traikefa nandritra ny roa andro nampiofanana. Natao indrindra hanampy ny Fiangonana amin’ny asa Fitoriana izay antom-pisiany ity Fampiofanana karakarain’ny Feon’ny Filazantsara ity. Manantena sy mitondra am-bavaka ny roa tonta “mpiara-miobon’antoka” mba hitondra vokatra tsara ho an’ny asa Fitoriana ny Filazantsara ny fampiofanana izay notanterahina.

dsc_0262 dsc_0295
Pastora, Andrianatoandro Léon Fidèle, Mpitondra Fitandremana Ankazobe
dsc_0410 dsc_0328
Atoa Andriamanjaka Daniel, Talen’ny Feon’ny Filazantsara
dsc_0309 dsc_0384
Pastora Andriamihajasoa Fidson, mpitondra ny Fiangonana Kiangara
dsc_0332 dsc_0472
dsc_0313 dsc_0452
dsc_0359 dsc_0361
dsc_0393 dsc_0397
dsc_0430 dsc_0420
dsc_0527 dsc_0517