ALAHELO: KARAZANY ROA

janvier 27, 2017

« Fa ny alahelo araka an’Andriamanitra miasa fibebahana ho famonjena tsy hanenenana; fa miasa fahafatesana kosa ny alahelon’izao tontolo izao. » II Kor 7:10

Nirahin’i Jehovah hilaza ny amin’ny hamelezan’i Jehovah an’i Ninive i Jona, fa tafakatra teo anatrehan’i Jehovah ny faharatsiany. Nandà i Jona, nandositra hiala teo anatrehan’i Jehovah. Niondrana an-tsambo izy niala teo anatrehan’i Jehovah. Nahatonga rivotra mahery nila hahavaky ny sambo i Jehovah. Samy nivavaka tamin’andriamaniny avy ny olona rehetra, fa Jona tsy nety nivavaka. Nasainy natsipy tany andranomasina izy. Natelin’ny trozona nandritra ny hateloana izay vao nibebaka. Nanaiky izy ny hilaza ny hafatr’i Jehovah ny amin’ny loza ataony ho famaizana an’i Ninive. Nibebaka i Ninive. Izany no alahelo araka an’Andriamanitra niasa fibebahana ho famonjena an’i Jona. Na dia zava-doza aza ny nanjo an’i Jona, loza nahatonga azy hibebaka, ary nahatonga famonjena ho azy sy famonjena ny tanàn’i Ninive iray manontolo. Aza miandry ny alahelon’izao tontolo izao izay mitondra fahafatesana. Maneke ny tenin’i Jehovah. Raiso ho fitiavana anao ny famaizana ataon’i Jehovah. Jesosy hampahery anao.

Feon’ny Filazantsara
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmad@blueline.mg
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.

Publicités