FITIAVANA LALINA

mars 3, 2017

« Hianareo lehilahy, tiava ny vadinareo, dia tahaka ny nitiavan’i Kristy ny fiangonana ka nanolorany ny tenany hamonjy azy. » Efesiana 5:25

Manao ahoana ny fahatsapantsika hoe Jesosy maty ho antsika? Toa tsy zakan’ny saina matetika ny mieritreritra ny fahafatesana. Ary izany indrindra no nanjo an’i Petera: Jesosy Ilay mpampianatra azy, Ilay nametrahany ny fanantenany rehetra, ho faty, ary tsy fahafatesana tsotra fa hovonoina eo amin’ny hazo fijaliana tahaka ny jiolahy. Tsy noho ny fahotany anefa fa noho ny fahotako sy noho ny fahotanao. Soa fa maty ho ahy sy ho anao Jesosy. Izany no lalana tokana ahazoantsika famonjena raha mino isika fa manaisotra ny fahotantsika tokoa Ilay Zanak’ondrin’Andriamanitra dia i Jesosy Kristy. Manaiky tokoa ve isika fiangonany handray izany famonjena nentin’i Jesosy Kristy izany? Raha mino isika dia hiara-mitsangana Aminy. Manao ahoana ny fitiavan’ny lehilahy ny vadiny? Fitiavana tahaka izao nitiavan’i Jesosy ny fiangonana izao ve? Maro mantsy ny karazana fitiavana: filan’ny nofo ihany ve? Fa ny fitiavan’i Jesosy kosa dia fitiavana mitondra ho amin’ny famonjena izay manaiky Azy. Jesosy Kristy Tompo mampahery anao

Feon’ny Filazantsara
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmad@blueline.mg
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.

Publicités