MPISORONA HO ANTSIKA JESOSY.

mai 24, 2017

« Ary ho an’ireto no anamasinako ny tenako, mba hanamasinan’ny fahamarinanao azy. » Jaona 17:19

Sarobidy ny fananantsika an’i Jesosy, ary raha amin’ny anarany no angatahintsika dia omen’ny Ray antsika izany araka ny teniny. Raha mbola ny fahotantsika no navela nilomantsika dia tsy ho nahita rariny teo amin’i Jehovah Andriamanitra isika. Mahay mitondra ny fahalementsika Jesosy. Ny Teniny no fahamarinana, ary ny fahamarinany no manamasina antsika. Raiso ny Teniny. Ny Teniny, Jesosy, mitombo ao anatintsika no manamasina antsika. I Satana kosa, ny asany, dia ny miampanga antsika isan’andro amin’ny Ray, fa ny asan’i Jesosy kosa dia ny mifona ho antsika isan’andro. Tahaka ny nanirahan’ny Ray an’i Jesosy ho amin’izao tontolo izao no anirahan’i Jesosy kosa antsika ho amin’izao tontolo izao. Aza matahotra fa Izy no mpaniraka antsika. Efa naharesy Izy. Ataony mpandresy koa isika. Hoy Izy amintsika izao ankehitriny izao: « Ary hitady Ahy hianareo, dia ho hitanareo Aho, raha katsahinareo amin’ny fonareo rehetra. » Jer. 29:13 Jesosy Kristy Tompo mampahery anao

Feon’ny Filazantsara
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmad@blueline.mg
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités