SAFIDY SAROTRA

juillet 7, 2017

« Midira amin’ny vavahady ety hianareo; fa lehibe ny vavahady, ary malalaka izay mankany amin’ny fahaverezana, ka maro no miditra any. Fa ety ny vavahady, ary tery ny làlana izay mankany amin’ny fiainana, ka vitsy ny mahita azy. » Matio 7:13-14.

Isika olombelona dia voasintona hatrany amin’ny zavatra mora atao, mandeha amin’ny làlana malalaka, amin’ny làlana mora andehanana. Kanefa manome safidy antsika Andriamanitra ny amin’ny làlana alehantsika na ho any amin’ny fiainana mandrakizay izay sarobidy sy mahavelona mandrakizay kanefa misy fahaterena; na ho amin’ny làlana malalaka sady mora nefa mitondra any amin’ny fahaverezana mandrakizay. Ny torolalana avy amin’ny Ray anefa dia ny hisafidianantsika ny fiainana mandrakizay, efa planina hatramin’ny voalohany io. Maro tokoa ny misafidy ny filibana, tsy misy mifehifehy, tsy misy faneriterena. Na ny zaza, na ny tanora, na ny antitra dia voasarika amin’io fahamorana io. Maro no miditra any. Izay no hafetsen’i Satana. Hoy izy hoe: Omeko anao izao hita maso rehetra izao, fa mandoaleha ianao eto anatrehako. Izay mandohalika ve dia tsy ho vita. Fitaka anefa io. Mpisandoka ho tompony i Satana, fa an’Andriamanitra ny tany sy izay rehetra eo aminy. Hoy ny Tompo aminao avy eo: Ry adàla, anio alina no halaina aminao ny fanahinao, ka ho an’iza izay zavatra noharinao? Koa aoka ho fantatrao fa mbola andro ahazoanao misafidy ny fiainana mandrakizay izao, ary hoy ny Tompo Jesosy hoe: Izaho no làlana sy fahamarinana ary fiainana; efa nisantatra ny fandresena ny Tompo, ary hampandresy anao Izy raha mahatoky Azy ianao. Raha izao ianao vao nisafidy hanaraka Azy ianao dia aza manahy fa atolory Azy ny fonao izao anio izao, Izy no hanefa ny fiantsoana anao.
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmad@blueline.mg
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités