FAMELAN-KELOKA ATAO INONA?

juillet 21, 2017

« Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin’ny tsy fahamarinana rehetra. » I Jaona 1:9

Ny eo amin’izao tontolo izao; rehefa nanao ratsy dia asiana ratsy, ary raha ny saina tsotra dia izany no rariny. Kanefa noho i Jesosy, raha mifona sy miverina amin’ny fitiavany isika dia mamela ny helotsika Izy. – Noho ny nanaovan’i Jesosy sorona ny tenany: naniky halatsa-drà Izy, ary izay manaiky hosasany amin’ny ràny dia ho voadio tokoa.
– Ao an-tokantrano: raha miaiky ny fahotanao ianao dia mahatoky sy marina Izy ka mamela ny fahotanao ary manadio anao koa.
– Ao amin’ny fiangonan’ny olo-masina koa no handraisana ny famelankeloka rehefa miaiky ny fahotana.
– Eo amin’ny fandraisana ny sakramentan’ny fanasan’ny Tompo: ny fisotrona ny ràn’ny fanekena vaovao (marika hita maso miombona amin’ny tenin’Andriamanitra) dia ny divay izay atolotra eo: Ity no ràko ny amin’ny fanekena vaovao.
– Ny olona voavelan’Andriamanitra ny fahotany no mahazo ny fiainana mandrakizay. Izany ary ny famindrampon’Andriamanitra ho antsika na dia eto an-tany ihany aza. Aza avela handalo ny famindram-pon’Andriamanitra fa sao handalo anao koa Izy rehefa eo ampialana aina ianao.
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmad@blueline.mg
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités