NY MASIRASIRAN’NY FARISEO SY NY SADOSEO.

juillet 31, 2017

« Mihevera, ka mitandrema hianareo, fandrao azon’ny masirasiran’ny Fariseo sy ny Sadoseo. » Matio 16:6

Raha nikasika ny lamban’i Jesosy ilay vehivavy narary dia sitrana. Mifindra na dia amin’ny lamba aza ny fahamasinana. Fantantsika ny Teny hoe « Manamasina azy amin’ny fahamarinana; ny teninao no fahamarinana. » Jaona 17:17. Koa ny fifaneraserantsika amin’ny Tenin’Andriamanitra dia manamasina antsika. Toy izany koa ny fifaneraserantsika amin’Andriamanitra; amin’ny alalan’ny vavaka koa dia manamasina antsika. Fa aoka kosa isika hiambina tsara raha miara-mipetraka amin’ny mpaniratsira fa mifindra koa ny faniratsirana. Mihevera ka mitandrema hianareo fandrao ho azon’nymasirasiran’ny Fariseo sy ny Sadoseo. Mifindra koa izay rehetra faharatsiana. Ny fomba nandresen’i Jesosy Kristy raha nalain’i satana fanahy Izy dia ny Tenin’Andriamanitra izay nofikiriny mafy, ny fitokanam-bavaka. Misoko miadana tokoa ny sira ratsy ka dia ny fifikirantsika amin’ny tenin’Andriamanitra sy ny vavaka no handresentsika.
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmad@blueline.mg
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités