MAHATOKY SY MANAN-TSAINA.

août 18, 2017

Fomba fijery roa ihany no misy eto amin’izao tontolo izao. Fomba fijery azavain’ny fanahin’ny mazava, ary ny fomba fijery azavain’ny fanahin’ny maizina.

« Iza moa ny mpitandrin-draharaha mahatoky sy manan-tsaina, izay hotendren’ny tompony hifehy ny mpanompony mba hanome azy anjara hanina amin’ny fotoana? » Lioka 12:42

Indray andro Jesosy Kristy dia onena ny vahoaka fa tahaka ny ondry tsy manana mpiandry, ka nampianatra zavatra maro Izy, ary niteny tamin’ny mpianany hoe: omeonareo hanina izy. Tena mpitandrina mahatoky tokoa ny Tompo. Mihevitra izay mahasoa ny ondry Izy: manome azy hanina amin’ny fotoana. Tany an’efitra tokoa dia tsy nahita hanina ny olona ary namahana ireo vahoaka nihaino ny fampianarany tamin’ny mofo dimy Jesosy. Iza no mpanompo mahatoky hamahana ny ondry amin’ny fotoana? Marina fa mety tsy hahavita ny nataon’ny Tompo ny mpianany, fa tena mahatoky tokoa eo amin’ny andraikitra omen’ny Tompo azy ve tsirairay? Ary amin’ny fotoana tena ilàna azy? Sady nampianatra ny Tompo no namahana tamin’ny mofo dimy, sakafo tsy sahaza ireo vahoaka akory nefa nanaovany fisaorana dia nampitomboin’Andriamanitra, ary nisy ambiny. Sambatra ny tokan-trano misy ray amandreny mahatoky sy manana saina mahatoky an’i Kristy, hanome ny zanany anjara hanina amin’ny fotoany. Sambatra ny firenena izay manana an’i Jehovah ho Andriamanitra. Iza no mpanompo mahatoky sy manan-tsaina hampianatra ny ondry sy
hanome azy anjara hanina amin’ny fotoana?
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmad@blueline.mg
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités