AMPAMOAHINA NY OLONA

septembre 4, 2017

Inona no tiana ambara amin’ny hoe ampamoahina? Ny tiank’ambara amin’izany dia ny hoe asaina mamoaka.
« Ary lazaiko aminareo fa ampamoahina ny olona amin’ny andro fitsarana noho ny amin’ny teny foana rehetra izay ataony. » Matio 12:36

Izao teny izao dia teny nataon’i Jesosy tamin’Izy niresaka tamin’ny Fariseo. Asaina mamoaka ny teny foana, teny tsy misy antony, izay ataony ny olona amin’ny andro fitsarana. Io andro fitsarana io moa dia andro farany araka ny voalazan’ny Soratra Masina, ho avy Jesosy hitsara ny velona sy ny maty. Eo ambony kelin’ity teny ity no anambaran’i Jesosy hoe, fa avy amin’ny haben’ny ao am-po no itenenan’ny vava. Koa raha miteny isika dia mila mitandrina, kanefa tsy ho voafehintsika izany raha tsy izay zavatra ampidirintsika amin’ny sofintsika no efa fantenantsika. Raha ratsy no henointsika, dia ratsy koa no voatahirintsika ao anaty, ary izany ihany no mivoaka ny vavan-tsika. Iray ihany no tsara: Jehovah Andriamanitra. Koa aoka izay ambarany no henointsika, ary izany no raiketina am-po. Ary izany koa no mbola hivoaka ny vavantsika.
Jesosy hampahery an-tsika. Amen!

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmad@blueline.mg
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités