NY MAHA SAMY HAFA NY HERINTSIKA SY NY FAHASOAVAN’I JESOSY.

septembre 22, 2017

« Hoy Jesosy taminy: Mitsangàna, ento ny fandrianao, ka mandehàna. » (Jaona 5:8)

Nisy rangahy iray narary Valo amby telo-polo taona (38 taona), tena ela tokoa izany, tena fahoriana tokoa izany, ary dia niandrandra fanasitranana tokoa izy, ary nisy farihy nanana laza fa nahasitrana rehefa nohetsehina ka tafaroboka ilay marary. Ny olana dia tsy mba nanana olona nandroboka azy izy. Nahita azy Jesosy, na dia maro aza ny narary teo, ka nanontany azy hoe: Te ho sitrana va ianao? Tsy tonga dia nihevitra ny tenin’i Jesosy ho azy izy fa variana nanazava ny tsy nahatafidirany ao anaty rano rehefa nohetsehina, kanjo hoy Jesosy taminy: Mitsangàna, ento ny fandrianao, ka mandehana. Ary niaraka tamin’izay dia sitrana ralehilahy ka nibata ny fandriany. Valo amby telopolo taona narary, nefa tenin’i Jesosy indray mandeha fotsiny no ninoany, dia sitrana izy. Mitsangàna, ento ny fandrianao, ka mandehana. Isika koa izay manana aretina, isika izay manana olana, isika izay misy zavatra mangeja antsika, kanefa mitady fanasitranana etsy sy eroa, mitady vaha olana hatraiza hatraiza, mipenimpena mitady fanafahana; hoy Jesosy amintsika: Mitsanagàna, betao ny fandrianao. Aza miahotrahotra mandeha, na mbola mandondona anao ny olana be, mandehana atreho amin’ny anaran’i Jesosy, maniraka anao Izy. Atreho amin’ny finoana Azy izany. Jesosy hampahery anao.

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmad@blueline.mg
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités