NY ZAVATRA REHETRA DIA HAIN’ANDRIAMANITRA.

novembre 3, 2017

« Jesosy nijery azy ka nanao hoe: raha amin’ny olona, dia zavatra tsy hainy izany; fa tsy mba tahaka izany amin’Andriamaanitra, fa ny zavatra rehetra dia hain’Andriamanitra. » Marka 10:27

Teny nataon’i Jesosy ato amin’ity bokin’ny Marka 10 ity izany, niteny izy hoe: « sarotra ny hidiran’ny mpanankarena amin’ny fanjakan’ Andriamanitra ». Hoy ny soratra eto hoe raha amin’ny olona dia tsy hainy izany. Fa raha Andriamanitra kosa dia hainy ny hampiditra ny mpanankarena amin’ny fanjakan’ny lanitra. Ahoana? Ny sitrapon’Andriamanitra no atao fa tsy ny an’izao tontolo izao. Ny haren’ny mpanankarena dia azony hanaovana ny sitrapon’ Andriamanitra. Aoka ny mpanankarena tsy hanao ny harena ho solon’Andriamanitra. Tsy ny harena ihany, fa na ny tanjaka sy ny fahasalamana ary ny fahaizana koa aza, na izay zavatra hafa hasolontsika an’Andriamanitra. Jesosy anie hampahiratra ny saintsika amin’izany.

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités