TEZAO AO AMIN’NY TOMPO NY ZANAKAO

mars 2, 2018

« Ary hianareo ray, aza mampahatezitra ny zanakareo, fa tezao amin’ny famaizana sy ny fananaran’ny Tompo izy. » Efesiana 6:4

Miara miaiky ny maro fa sarotra ny fitaizana ankehitriny izao, fa mbola folo na roambin’ny folo taona ny tanora dia voafatotra amin’ny fatorana ratsy isankarazany, indrindra ny zava-maha domelina. Inona no nataon’i Jesosy? Hoy Izy: avelao ny zaza hanatona Ahy, ary nitrotro azy Izy, dia nametra-tànana taminy ka nitso-drano azy. Ao anatin’ny faharatsiana misy azy iny ny zanaka no mila ny fanohanan’ny ray amandreny azy. Izay no dikan’ny hoe: «ary nitrotro azy Jesosy». Tezao amin’ny famaizana sy ny fananaran’ny Tompo izy. Tsy ny fanariana azy, tsy ny famonoana azy, fa fitantanana azy hiala amin’ny faharatsiana, entina eo amin’ny Tompo izy: Mila antsika hitrotro azy amim-bavaka, hanome azy ny tenin’Andriamanitra amin’ny fotoana rehetra. Tsy ampy ny manome ny zanaka izay ilainy ara-nofo fotsiny, fa izay ilainy voalohany dia ny famahanana ny fanahiny, dia izay vao ny nofo sy ny saina.
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités