TSY FOANA NY FAHASOAVAN’ANDRIAMANITRA

mars 14, 2018

« Tsy mahafoana ny fahasoavan’Andriamanitra aho; fa raha avy amin’ny lalàna ny fahamarinana, dia maty foana Kristy. » Galatiana 2:21

Ny lalàna nomen’i Jehovah ny Isiraely no nentiny hisian’ny fifampifehezana teo amin’ny olony. Fa manameloka izay mandika izany lalàna izany ny lalàna. Ny fandikana ny lalàna no fahotana. Ary fahafatesana no tambin’ny ota. Meloka izay nanota. Koa ilaina ny Famelan-keloka. Izany no nisian’ny fanatitra noho ny ota, zanak’ondry tsy misy kilema nalatsa-drà, mba hoheken’Andriamanitra ny fifonana. Taty aoriana dia Jesosy Kristy no Ilay Zanak’ondry, manaisotra ny fahotan’izay manaiky ny Ràny ho hany fanadiovana. Nijanona teo amin’ny fahafatesana ihany isika raha ny fanamarinana avy amin’ny lalàna. Tsy nanampahefana hamela heloka ny lalàna. Ny ràn’i Kristy no mahakosoka ny fahotan’ny olombelona, Maty i Kristy, ary nitsangana tamin’ny maty. Koa ny lalàna no manameloka antsika noho ny ota. Manaiky ny ràn’i Kristy isika hanadio ny otantsika. Mandray ny famelomana amin’ny fitsanganana miaraka Aminy. Maty fa velona indray. Avaozina isan’andro izany fitsanganana miaraka Aminy izany raha maty noho ny fahotana koa isika.
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités