IZAHAO TOETRA NY FANAHY (2)

mars 26, 2018

« Anaka, ianareo dia avy amin’Andriamanitra ary efa naharesy ireny, satria lehibe Izay ao aminareo noho izay ao amin’izao tontolo izao. » 1Jaona 4:4

Fanahy roa no misy eto amin’izao tontolo izao, dia ny Fanahin’Andriamanitra sy ny fanahy tsy avy amin’Andriamanitra, izay tsy manaiky an’i Jesosy.
– Ny Fanahy Masina ihany no Fanahin’Andriamanitra. Teo io Fanahy io tamin’ny fanorenana izao tontolo izao, io Fanahy io no nitorontoronina an’i Jesosy tao an-kibon’i Maria, ary mbola io Fanahy io no nidina teo amin’i Jesosy tamin’Izy natao batisa, ary mbola io Fanahy io no nilatsaka tamin’ny andro pentekosta tamin’ny mpianatra.
– Io Fanahy io no ao amin’ny mpianatra. Voalaza eto fa lehibe io Fanahy io noho ny ao amin’izao tontolo izao (I Jao 4:4) ity. Mahery io Fanahy io. Ary resin’io ny fanahy ao amin’izao tontolo izao.
– Tsy afaka miara-mitoetra ny Fanahy Masina sy ny fanahy ratsy; mila misafidy isika na hanome ny Fanahy Masina ny fontsika na hanome izany ho an’ny fanahy ratsy. Voalaza fa raha misy tsy manana ny Fanahin’i Kristy dia tsy Azy izy. Very mandrakizay izay manaiky fanahy hafa. Aza vonoina ary ny Fanahy Masina izay efa nomena anao.
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités