FITSAHARAN’ANDRIAMANITRA

mars 30, 2018

« Koa na dia mbola misy teny fikasana fa hiditra any amin’ny fitsaharany aza isika, dia aoka isika hatahotra, fandrao mba misy eo aminareo toa tsy mahatratra izany. » Hebreo 4:1

Enina andro Jehovah Andriamanitra no niasa nanao izao tontolo izao. Rehefa vita izany dia nitsahatra Izy. Mbola ao amin’izany andro fitsaharan’Andriamanitra izany ihany iska izao satria efa vita ny fanorenana. Hoy Jesosy: Mankanesa aty amiko, hianareo rehetra izay miasa fatratra sy mavesatra entana, fa Izaho no hanome anareo fitsaharana. Ao amin’i Jesosy Kristy tokoa no misy izany fitsaharana izany. Izay mandray ny fitsaharana ao amin’i Jesosy koa no miditra amin’ny fitsaharan’ Andriamanitra. Ny andro rehetra omen’Andriamanitra ny olony koa dia ho andro fitsaharana satria efa ao amin’i Jesosy Kristy izy. Ho masina aminy avokoa ny andro rehetra. Koa izay tsy ao amin’i Jesosy aoka izy hatahotr fandrao ho tanteraka aminy ny teny hoe: « Tsy hiditra amin’ny fitsaharako mihitsy izy. » Koa anio raha hihaino ny feony ianareo, Aza manamafy ny fonareo. » (Hebreo 4:7b)
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités