MANANA FIRAISANA AMIN’ANDRIAMANITRA

juin 1, 2018

« Fa ianao kosa raha mivavaka, dia midira ao amin’ny efitranonao, ka rehefa voarindrinao ny varavaranao, dia mivavaha amin’ny Rainao, izay ao amin’ny mangingina; ary ny Rainao, izay mahita ao amin’ny mangingina, no hamaly anao. » Matio 6: 6

Tena firaisana amin’Andriamanitra Ray ny vavaka. Resaka atao amin’Andriamanitra ny vavaka. Ny mba hihainoan’Andriamanitra antsika no antony hivavahantsika. Koa raha mivavaka isika aoka tsy ho tahaka ny mpihatsaravelatsihy, fa tsy ny tena hiresaka amin’Andriamanitra no ataony fa ny hahitan’ny olona azy:
– Mivavaka mitsangana eo amin’ny synagoga.
– Mivavaka eo anjoron-dalana hahitan’ny olona azy.
Mazava fa efa azony ny valimpitiany avy amin’ny olona. Fa ianao kosa raha mivavaka dia midira ao amin’ny efitranonao. Ao no mangina, tsy misy olona mahita izay ho afaka mamaly anao. Fa Andriamanitra, Rainao ihany no mahita anao. Izy no hamaly anao.
– Ny valimbavaka: Elia dia olona tahaka antsika ihany, ary izy nahery nivavaka, dia nasehon’Andriamanitra taminy ny heriny. Andriamanitra izay mahita ao amin’ny mangingina no hamaly anao. Sarotra amintsika ny miandry valimbavaka indraindray. Fa aoka isika hatoky fa Andriamanitra mahalala ny hevitra hiheverana antsika. Ny Tompo Jesosy hampahery antsika.

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités