NY FAHAMARINANAREO

juin 15, 2018

« Fa lazaiko aminareo: Raha tsy mihoatra noho ny an’ny mpanora-dalàna sy ny Fariseo ny fahamarinanareo, dia tsy hiditra amin’ny fanjakan’ny lanitra mihitsy ianareo. » Matio 5:20

Ny fanatanterahana ny lalàna na ny tsy fanatanterahana ny lalàna no maha-marina ny olona iray na tsy maha-marina azy araka izany lalàna izany. Ny fahamarinana resahin’ny bokin’ny Matio eto dia ny amin’ny fahatanterahan’ny lalàna. Ka ny mpanora-dalàna sy ny Fariseo dia miezaka mafy ny amin’ny fanatanterahana izany. Ny manahirana ny amin’ny ezaka avy amin’ny tena hanatanterahana ny lalàna dia noho izy mampirehereha, ary izany indrindra no nanjo ireo Fariseo sy mpanora-dalàna. Ny bokin’ny Romana kosa dia manambara hoe: «Ny marina amin’ny finoana no ho velona» (Romana 1:17b). Io no tena lalana marina ahazoana ny fahamarinana. Ny finoana an’i Jesosy Kristy no mamonjy ny olona amin’ny Fahasoavana, fa tsy avy amin’ny asa. Kristy no nahatanteraka ny lalàna. «Izy no làlana sy Fahamarinana ary fiainana» (Jaona 14:6a)
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités