MAFANA, MANGATSIAKA, MATIMATY

août 3, 2018

« Fantatro ny asanao, fa tsy mangatsiaka na mafana hianao; aleoko ho mangatsiaka na ho mafana hianao. Fa satria matimaty hianao ka tsy mafana na mangatsika, dia efa aloan’ny vavako hianao. » Apokalypsy 3: 15-16

Jesosy mampanoratra an’i Jaona ny hafany ho an’ny fiangonana any Laodikia. Jesosy velona, Jesosy maty ary tsy nijanona tamin’ny fahafatesana fa nandresy ny fahafatesana ka nitsangana tamin’ny maty, Ilay Amena, Izay niandohan’izao zavatra noharian’Andriamanitra izao, ary miteny hoe fantatro ny asanao. Jesosy no lohan’ny fiangonana, ary efa tia ny fiangonana Izy, ka nanolotra ny ainy ho azy. Tamin’ny fitiavana voalohany no nitiavan’ny fiangonana ny Tompo, ary izany no hafanana. Ary noraisiny ho loha tokoa ny Tompo, kanjo lasa matimaty izany noho ny fifangaroana amin’ny hatsiaka entin’izao tontolo izao. Tezitra Jesosy ary ho famaizana ny fiangonana izao teny hoe: «alohan’ny vavako hianao» izao. Ho antsika mihitsy koa izao teny izao, isika no fiangonana nanoloran’i Jesosy ny ainy. Hoy Izy amintsika: Fantatro ny asanao. Variana isika, toa metimety ny fianana. Manan-kohanina eto amin’izao tontolo isika, manana ny ampy, eny salama angamba, kanjo tsy fantatsika fa isika no ilay ory, isika no ilay jamba, isika no ilay mitanjaka. Koa manoro hevitra antsika ny Tompo mba hividy volamena voadio tamin’ny afo Aminy mba hanankarena sy ody maso hanala ny fahajambana, sy fitafiana fotsy Aminy mba tsy hiseho ny fitanjahantsika. Fa raha maharesy isika dia havelany hiara-hipetraka Aminy eo ambony seza fiandrianany. Amen!
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités