AOKA TSY HANAVESATRA NY HAFA

août 17, 2018

« Eny, mamehy entana sady mavesatra no sarotra entina izy ka manainga izany eo amin’ny soroky ny olona, nefa ny tenany tsy mety manetsika izany na dia amin’ny ratsan-tànany anankiray aza. » Matio 23:4

Ny fariseo no tian’i Jesosy ambara eto. Jesosy mampianatra ny amin’ny tsy mety amin’ny fomban’ny fariseo. Tia mijery ny hafa, ary fisehoana ivelany amin’ olona no lehibe aminy. Mamehy entana mavesatra sady sarotra entina amin’ny soroky ny olona izy, nefa tsy manetsika izany na dia amin’ny ratsan-tanany akory aza. Ny resahina eto dia ny amin’ny fivavahana. Jesosy dia mifanohitra amin’izany ny nataony. Hoy Izy: «Mankanesa aty amiko ianareo izay miasa fatratra sy mavesatra entana fa izaho hanome anareo fitsaharana» (Matio 11:28). Na dia fatra-pikirakira ny lalàna aza ny fariseo dia tsy nahatanteraka ny lalàna. Raha diso amin’ny iray loha dia diso amin’izy rehetra. Jesosy no nahatanteraka ny lalàna. Ary Izy koa no faran’ny lalàna. Izay mitafy Azy no mahazo ny fanamarinana. Nitondra ny fahotan’ny olona izay tsy zaka entina Izy teo amin’ny hazo fijaliana. Rehefa entiny ny entantsika dia tena afaka isika ary mahazo fiainana mandrakizay. Tsy ratsantanan’i Jesosy fotsiny no nampiasany fa ny ainy manontolo no niasa ary niafara tamin’ny fahafatesany. Kanefa ny Ray no nanangana Azy ary voatafy voninahitra. Tsara ny manana an’i Jesosy ho mpanavotra.

Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités