MIAMBENA, AORENO TSARA IZAY SISA SAIKY MATY

septembre 25, 2018

« Tsarovy ny amin’ny nandraisanao sy ny nandrenesanao, ary tano mafy, ka mibebaha. » Apokalypsy 3:3a

Ny fahavarimbarianana, ny tsy firaharahiana, ny fanadinoana,..sns dia mahatonga antsika hanamaivana ny fisian’ny fahasoavana efa noraisintsika, ka very izany fahasoavana izany ny hiafarany. Mandalo eo ambany masontsika ny Tenin’Andriamanitra, toriana amintsika ny toriteny kanefa ny saina variana mieritreritra zavatra hafa. Ny mpanompon’Andriamanitra milaza ny sitrapon’Andriamanitra kanefa isika tsy mino. Lasa ny toeran-kafa indray na ny olona hafa no mandray ny tsara tokony ho antsika. Ny fiafaran’ny finoantsika aza dia mihamaina, na miha-maty mihintsy. Aza mamoifo. Hitan’i Jesosy fa misy kely sisa saiky maty tavela ao anaty dia ny finoana Azy. Tsarovy ny nandraisanao sy ny nandrenesanao, ary tano mafy io finoana io. Mitady handrombaka izany i Satana. Mibebaha, avaozy ny fandraisana ny Teny, ny fitiavana ny Teny. Aoka hirehitra ny jirontsika. Izay manan-tsofina, aoka izy hihaino izay lazain’ny Fanahy. Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités