MITONDRA INONA NY FAHAFATESANA?

septembre 28, 2018

« Fantaro ankehitriny fa Izaho dia Izaho no Izy, ka tsy misy andriamanitra eto amiko. Izaho no mahafaty sy mahavelona, ary Izaho no maharatra sy mahasitrana, ka tsy misy mahafaka amin’ny tànako. » Deotornomia 32:39

Aoka tsy ho adino fa ny Soratra Masina dia manambara fa fahafatesana no tambin’ny ota, ary ny olona rehetra dia mandalo izany fahafatesana izany satria tsy misy marina na dia iray aza. Raha ara-tsiansa dia maty ny olona iray rehefa mijanona tsy mitempo intsony ny fo, na tsy misy aina intsony. Fomba filazan’ny Soratra Masina azy ny hoe: « alaina aminao ny fanahinao » jereo Lioka 12:20. An’ Andriamanitra anefa ny fahefàna ny amin’ny fahafatesana, ary voalaza eto fa Izy no mahafaty sy mahavelona. Tsy misy mahafaka izany amin’ny tànany. Tandindon’ny fahafatesana ny torimaso raha ny fifohazana indray no sary raisina eto. Mitondra fialan-tsasatra ny torimaso. Raha ny ara-panahy, ho an’ny olona ao amin’ny Tompo dia mitondra fanavotana ny fahafatesana. Ho an’ny olona tsy manana ny Tompo kosa dia mitondra fiandrasana mahatahotra ny fahafatesana. Araraotina ny fahavelomana hibebahana. Tokony hanana ny Tompo Jesosy isika na matory na mifoha, amin’izay tsy ho tafasaraka aminy isika amin’ny fotoana rehetra ahavelomantsika.
Jesosy Kristy Tompo mampahery anao

FEON’NY FILAZANTSARA
‘Manambara an’i Kristy amin’ny firenena … ary mitarika ny firenena ho ao amin’ny Fiangonana’
Tél:
22 210 42
034 20 635 53
032 54 635 53
033 15 635 53
E-mail : lhmmada@gmail.com
Site Web: http://www.feonyfilazantsara.org
Facebook: Feon’ny Filazantsara

Raha nanohina anao ity toriteny ity na misy fanamarihana manokana tianao hatao dia tsindrio ny “leave a comment” eto ambany, avy eo manorata eo amin’ny “enter your comment here”. Misaotra betsaka.
Publicités